Chust innovatsion hududida toʻqimachilik sohasiga innovatsiyalar joriy etilmoqda
Chust innovatsion hududida toʻqimachilik sohasiga innovatsiyalar joriy etilib, “Chust brendi” ostida trikotaj mahsulotlari ishlab chiqarilmoqda.
“Porloq Chust Brendi” MCHJ tomonidan “Porloq paxta navi tolasidan hamda yigirish jarayonidagi chiqindilardan yigiruvbop tola ajratib olish asosida “Chust brendi” ostida yangi trikotaj mahsulotlari yaratish” loyihasi ishga tushirildi.
Loyiha Innovatsion rivojlanish vazirligi tomonidan joriy yilning aprel oyida 1 137,9 mln.soʻm miqdorida moliyalashtirilgan. Loyiha doirasida 10 ta yangi ish oʻrinlari yaratilib, ishlab chiqarish jarayonlari jadal olib borilmoqda.
Korxonada yiliga 15,0 ming kg hajmdagi trikotaj toʻqimalaridan 27000 dona sport kiyimlari, 3000 dona ayollar jempferi yoki 1,6 mlrd.soʻm mahsulotlar ishlab chiqariladi. Shuningdek, shu yerning oʻzida ishsiz aholini kasbga oʻrgatish boʻyicha oʻquv markazi ham tashkil etilishi rejalashtirilmoqda.